• Accueil
  • Saveurs du Tarn, la marque

Saveurs du Tarn, la marque

SABORS DE TARN

Una marca plan lançada
La marca « Sabors de Tarn » es nascuda en mai de 2012. Es estada creada per Agropunt, lo centre agroalimentari tarnés, amb lo sosten del Conselh General, de la Cambra dels Mestièrs e de l’Artesanat, de la Cambra d’Agricultura e de la Cambra de Comèrci e d’industria. 
Es una marca collectiva que recampa 120 aderents (productors, artesans, industrials, distributors e organismes). Permet al consomators de destriar los produches locals. Consomar un produch estampilhat « Sabors de Tarn », es estimar melhor un produch fach e/o transformat dins lo despartament, sosténer l’emplec, defendre l’activitat economica del despartament e far per l’environament en redusent los transpòrts.
Totas las entrepresas agricòlas o agroalimentàrias del despartament, qu'an lo sèti social dins Tarn, se'n pòdon servir.
Un logò de bon conéisser
Se trapa la marca de dos biaisses suls produches :
Logò Sabors de Tarn simple : se trapa suls produches bruts (carn, fruchas e legumes, mèl..) o suls produches transformats que la o las matèrias primièras son de Tarn (iogorts, fromatge, chuc de pomas…)
Logò Sabors de Tarn amb de mençonat « fabricacion locala » : se trapa suls produches transformats dins Tarn que las matèrias primièras son pas (del tot en partida) d’origina locala (plats cosinats, cocons…)
Se trapa la marca dins planses de luòcs de venda en mòda de bandairòlas, placards, sacs de papièr…

LOS ATOTS DE LA MARCA

Un regropament d’entrepresas jamai vist
La bandièra « Sabors de Tarn » a capitat a federar a l'encòp los produches dels agricultors, dels artesans dels mestièrs de boca e mai de las entrepresas de l'agroalimentari de totas talhas. De jamai vist !
Des punts de venda tantes e maites
La fòrça de la marca es l'arribada de distributors dins lo malhum. Meton la marca a la portada de totes. Aquelses punts de venda se venon rajustar als autres dejà nombroses : los comerçants-artesans, la venda suls mercats, la venda dirècta a la bòria, los magasins d’usina,...

LAS VALORS DE LA MARCA

Tarn, tèrra de gost…
Aquí las valors que defend la marca. Lo despartament es riche d’una diversitat gastronomica que jamai  : Alh ròsa de Lautrèc, salasons de La Cauna, vins de Galhac, fetges grasses, legumes secs, carns e polalhas, fromatges, fruchas e legumes, cervesas, uòus…
…e de saupre-far
Dempuèi de generacions, òmes e femnas se son passat lo saupre-far per vos prepausar una brava causida de produches de qualitat que d'unses son reconescuts al nivèl nacional e europenc (Labèl Roge, AOC, AOP, IGP, AB…)

PRO D'IDÈAS TOTAS FACHAS !

Un produch local còsta pas mai qu’un autre !!
En-t-anent crompar los produches drech a cò del productor, a l’entrepresa o sul mercat, los auretz a bon prètz. E n'aprofitaretz per visitar la bòria, lo talhièr de transformacion o per2 passar un moment convivial sul mercat.

Del produch de basa als produches originals
Topinejar al cada jorn amb los produches d'aicí, aquò se pòt ! Dins Tarn se trapa çò que cal per la cosina del cada jorn : carn, polalha, fruchas e legumes, uòus, produches lachièrs...
E pels dinnars de fèsta o gastronomics tantes e tantes produches de fèsta originals faràn lo plaser
dels bèc-fins : fetges grasses, assafran, trufas, chocolat, licors…
Aquí çò pus fòrt de Tarn !
 

BA SABIATZ ?

Dins Tarn, qualques 4 000 femnas e òmes trabalhan dins l’agroalimentari, un dels punts fòrts de l’economia del despartament : 
- 590 espleitacions agricòlas que fan mai que mai la venda dirècta
-   mai de 350 artesans dels mestièrs de boca
-  environ 140 entrepresas industrialas